تمثلت هي بقول الشاعر:
لاتحاتي ياغلا ذاتي…
ولا تعذب دمعة عيونك…
أنت عندي كل غاياتي…
وقتي فراغ من دونك
فقلت أنا:
يعذبني فراقك ياغناتي
كيف لا يحاتي مجنونك
انت باقي دنيتي وحياتي
وذاتي تعيش في عيونك
غيرك مايدواي جراحاتي
يعل باقي الخلق يفدونك
يقول قائل:
أنشهد ما يجرح الإنسـان،،، إلا كلمة تجيه من واحد غـالي،،،
أجاوب وأقول:
معاش من جرحك ياشريان لك يعتذر قلبي ولسان
حالي
&&&&&&&&&
قالوا لي ذات مرة:
ربك عطاك من( الغــلا )لين خلااااك
تسكن قلوب الناس لو كنت غااااايب !!
فقلت:
من عرفك يالغلا مايبدل حد سواك
يشتاق لك مغليك يا أغلى الحبايب
&&&&&&&&
قيل لي:
كم سؤال حير أقلام الكتابة
وكم إجابة أشبه بالمحال
السؤال يضيع مايلقى إجابه
والإجابه تنتظر طرح السؤال
والسؤال اللي عجزت ألقى جوابه
ليه أحبك كثر حبات الرمال
فأجبت على الفور قائلا:
لاتزيد حيرتك بكثر السؤال
كم من سايل وعنده الاجابة
ما عمره الحب ينحد بمجال
ولايكيفيه أوراق الكتابة
حبي ما ينعد بحبات الرمال
أسأل ضميرك تلقى جوابه
&&&&&&&&&
وقالوا :
[.. يسعد مساء من داعب الفكر طاريه
…. واشغل خيالي حب شوفه ولقياه…]
فقلت:
مرة يلاطفني ويجافي مرات
وأجاريه
ذهل من حبي ومكنون حبي
تو ماجاه
&&&&&&&&
&&&&&&&&&
ذات يوم تساءلت أنا:
كفاك ياروح من الأحزان
مالك على وصلهم حيله
أحبسي دمعتك بالأجفان
وحبهم خل قلبك يشيله
بقا بس ذكرى وأشجان
حصتك منهم أحلام جميلة
وأجبت نفسي:
لا ياقلب خل تطول الأحزان
يكفي خيالهم عن ألف حيلة
نذر علي لأنزف غالي الأجفان
وحبهم محد غيري يشيله
يامحلا ذكراهم والأشجان
حصتي منهم أحلام جميلة
أنا بكل الاحوال كسبان
حبهم وين أنا القا مثيله
&&&&&&&
&&&&&&&&
بعضهم يقولون:
من تغلى لأغليه
ومن تخلى عني لأخليه
ومن جرحني بغدره
الله يحاسبه ويجازيه
وأنا أقول:
من تغلى علي لأغليه
ومن تخلى عني ماأخليه
ومن جرحني بغدره
عسى الله ربي يهديه
&&&&&&&&